CXXVII.

1324, Dezember 19. Breslau.

Dem Kloster wird das Patronatrecht über die Kirche zu Würben, im Streite mit dem St. Vincenzstifte zu Breslau, zuerkannt.

In nomine domini amen. Cum coram nobis Conrado, doctore decretorum, canonico et officiali Wratislaviensi, inter magistrum Franczconem advocatum Wratislaviensis consistorii, syndicum et procuratorem, monasterii de Kamencz, ordinis Cisterciensis, nomine procuratorio eiusdem monasterii, actorem ex una et fratrem Hermannum, syndicum et procuratorem monasterii sancti (Vin)cencii prope Wratislaviam, ordinis Premonstratensis, nomine eiusdem monasterii, reum, parte ex altera, super iure patronatus, ecclesie in Wirbna prope Swidnicz, orta esset materia questionis, prefatus magister Franczco libellum in iudicio obtulit in hec verba: Coram vobis honorabili viro domino Conrado doctore decretorum, canonico et officiali Wrat., ego Franczco de Goltperg, procuratorio nomine . . abbatis et conventus monasterii in Kamencz ordinis Cisterciensis, propono, quod, cum ius patronatus ecclesie de Wirbna prope Swidnicz pertineat ad . . abbatem et conventum monasterii predicti, nomine ipsius monasterii, ex donacione venerabilis viri, domini Henrici de Wirbna olim episcopi Wratislaviensis, domini Johannis, quondam decani Wrat., domini Henrici de Wirbna, scolastici sancte Crucis, Stephani fratris sui, et Henrici filii quondam Vasoldi, fratris dictorum . . scolastici et Stephani . . prior tamen vices gerens . . abbatis et conventus monasterii de sancto Vincencio iuxta Wrat., necnon et . . procurator ipsorum nomine sui monasterii, falso asserunt ad se ius patronatus prefate ecclesie in Wirbna pertinere, in magnum dominorum meorum preiudicium et gravamen, cum tamen nullum ius patronatus ecclesie antedicte in Wirbna predictis fratribus de sancto Vincencio competere dinoscatur. Quare nomine, quo supra ius patronatus supradicte ecclesie in Wirbna . . abbati et conventui monasterii de Kamencz, nomine eiusdem monasterii, per vos peto adiudicari, predictos . . abbati et conventui de sancto Vincencio ac . . procuratori ipsorum, nomine sui monasterii, super predicto iure patronatus ecclesie de Wirbna perpetuum silencium inponentes. Peto eciam litis expensas et de f'aciendis protestor, iuris beneficiis michi salvis. Ad quem libellum frater Hermannus predictus, nomine monasterii sancti Vincencii, ac . . abbatis et conventus eiusdem animo litem contestandi respondit: negans narrata, prout in ipso libello narrantur, et dicens petita fieri non debere, et dato, quod probaretur, dixit, quod dominus Stephanus fuerit solus patronus, qui donavit ipsi monasterio sancti Wincencii ius presentandi ad ecclesiam in Wirbna sepedictam. Lite itaque inter partes legittime contestata prestitoque ab eisdem hinc inde de calumpnia iuramento, datis articulis, productisque ab utraque parte testibus et instrumentis, et eorum attestacionibus publicatis, factis positionibus et responsionibus de eis subsequens et diligenter examinatis, tandem conclusum in causa a partibus extitit hinc et inde, et nos cum ipsis habuimus pro concluso: nos visit et auditis presencium iuribus, ra[tion]ibus, allegacionibus et probacionibus, et eis equa iusticie lance discussis, deliberacione insuper nobiscum et ad penas [pre]habita diligenti, partibus propter hoc in nostra presencia constitutis et sentenciam suam postulantibus, dei nomine invocato, ius patronatus ecclesie in Wirbna supradicto . . abbati et conventui monasterii in Kamencz nomine eiusdem monasterii adiudicamus sententialiter et diffinitive in hiis scriptis . . abbati et conventui monasterii sancti Vincencii, nomine eiusdem monasterii, super eodem iure patronatus ecclesie in Wirbna et peticione silencium inponentes; condempnacionem expensarum propter presumpcionem et racionem religionis et bonum pacis obmittentes. Lata est hec sentencia in consistorio Wrat., proxima feria quarta ante diem beati Thome apostoli, anno domini M°. CCC°. XX°. quarto presentibus dominis: Friczcone de Swencz, Johanne de Wirbna, Martino de Cindato, plebanis; magistris quoque Henrico de Lemberg, Nycolao de Legnicz, Laurencio, Andrea, Henrico de Bork, eiusdem consistorii advocatis, Theod. nostro notario et aliis. In cuius rei testimonium sigillum nostrum presentibus duximus apponendum.

Or. Perg. Grüssau 54, im Staatsarchive. An einem Pergamentstreifen das unter No. CXXVI. beschriebene S. in rothem Wachs.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.